السيسي .. عاوزين نقول للناس إن إحنا بنعمل لبكرة

السيسي .. عاوزين نقول للناس إن إحنا بنعمل لبكرة
| بواسطة : المكتب التنفيذي | بتاريخ 28 نوفمبر, 2015
أخر تحديث : السبت 28 نوفمبر 2015 - 7:24 مساءً
المصدر - متابعات

السيسي .. عاوزين نقول للناس إن إحنا بنعمل لبكرة، قال رئيس الانقلاب عبد الفتاح السيسي إن مشروع تنمية محور قناة السويس وشرق بورسعيد، تم طرحه منذ عام 2002، وكان مُخططا الانتهاء منه بعد 15 سنة، مضيفا أن مشروع شرق بورسعيد جزء محدود من مشروعات أكثر ضخامة، وما تم تنفيذه خلال ما يقرب من عامين إنجاز كبير جدا، ولم يتم الإعلان عنه إلا بعد وجوده على الأرض.

وأضاف السيسي – في كلمة خلال حفل إطلاق إشارة البدء في مشروع تنمية شرق بورسعيد، السبت – أن هناك العديد من المشروعات، التي نرفض الإعلان عنها تحسبا لأي شيء. وتابع: “فيه 3 مطارات بدأنا فيها من عام تقريبا، ولم نعلن عنها”.

وأكد أن منطقة “شرق شرق” التفريعة سيكون موجود بها المزارع السكنية ومدينة ساحلية في شرق شرق بورسعيد، لم يتم الإعلان عنها، وسيتم التنفيذ خلال سنتين.. وأتحدى أي حد يعمل اللي إحنا بنعمله ده في أقل من عشر سنين”.

وأضاف: “أنا عارف أنا باقول إيه كويس.. لأن كل موضوع باطرحه هنا.. إحنا إيدينا وعقلنا وقلبنا في المشروعات دي، وعارفين بنقول إيه”.

وتابع: “عاوز أقول لكم حاجة.. إحنا كان ممكن نقول للمصريين الشباب، حددوا لهم 3 أو 4 مليار جنيه، وأعط كل شاب عشرة آلاف جنيه، ويغطي مليون شاب، ونبقى قمنا بغسل إيدينا من ولادنا.. لا إحنا واخدين الطريق الصعب.. كل مشروع مليارات الجنيهات موضوعة فيه.. احنا مبنضحكش على حد.. إحنا ما بنكذبش على حد.. إحنا ناس مابنكدبش وصادقين.. وعاوزين نقول للناس إن إحنا بنعمل لبكرة”.

وأضاف: “بناء البلاد جهد وعرق وإخلاص وأمانة وعمل وشرف.. مش حاجة تانية”
نحن فقط من يعرف البناء

وأضاف السيسي بانفعال: “محدش هيقدر يمنعنا نبنى ونعمر بلادنا، رغم كل المشاكل التي نمر بها، فيه مشروعات مش بنعلن عنها عشان الشر وأهله”.

وأردف: “انتبهوا يا مصريين.. اللي أنا بعمله ده تحدي التحدي.. هتحدى الإرهاب الذي يحاول عرقلة المصريين.. لا هم بيعرفوا يبنوا.. ومش عايزين حد تاني يبني.. هما بيعرفوا يهدوا بس.. وده تحدي وإحنا هنبني”.

واستطرد: “فيه تحدي ثالث هو التحدي الاقتصادي.. لازم تخلوا بالكم للي متخطط ليكوا، وبيتعمل ليكوا.. وتنتبهوا كويس لبلدكم.. اتفقنا إن إحنا كلنا ناخد بالنا من مصر مش أنا بس.. لا أستطيع لوحدي أعمل كده.. إحنا اتفقنا”.

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة بالعربي الالكترونية وهي تلزم بمضمونها كاتبها حصرياً.